Atzo iluntzean banatu zituzten Gau Txori rallyko sariak Azpeitiko Argazki Elkartean. Ohiturari jarraituz, eta sariak banatu aurretik, rallyra aurkeztutako argazkilarien argazki bildumen proiekzioa egin zuten. Aurrez jakinarazita bezala, irabazlea Josu Altzelai izan da, bigarrena Adiel Zabala eta hirugarrena Gorka Gomez. Herriko lehen sailkatua, hiru lehenetan ez saritua, Iñigo Olarte izan da.
Nahi duenak Azpeitiko Argazki Elkartearen webguneko Ekintzak / Rallyak sailean ikus ditzake sarituen argazki bildumak.
Zorionak sarituei eta eskerrik asko bertara gerturatu zineten herritarroi. Hurrengo rallyra arte!