Larunbat honetan eskola kirol egokituko saioa izango dute LH3ko eta LH4ko ikasleek. Ostadar Saiarre kirol taldearen eskutik izango da saioa. Betharrametako frontoian izango da saioa, eta ordubeteko hiru txandatan banatuta arituko dira ikasleak.
LH5ko eta LH6ko ikasleek, berriz, saskibaloi jardunaldia izango dute. Azkoitiko ikastetxeetakoekin batera egingo dugu jardunaldi hau, eta Iraurgi saskibaloi taldeko jokalariek egingo dituzte epaile lanak. Zazpi kantxatan banatuta izango dira partidak: Urolako eta Perdillegiko frontoietan, Azpeitiko eta Azkoitiko Floreaga eta Azkoitia BHIn. Azkoitian jokatu behar duten ikasleek, hezitzaileekin bizikletan joateko aukera izango dute, Azkoitira elkarrekin bizikletaz joateko 09:30ean elkartuko dira Azpeitiko igerilekuaren aurrean.