Multikirol programako beste hitzordu bat izango dute gaztetxoek bihar, larunbatez. LH 3. eta 4. mailetako ikasleek judo saioa egingo dute kiroldegian, Kodaore elkartearen eskutik. Ordu eta laurden inguruko saioa egingo dute maila bakoitzeko umeek, kiroldegiko beheko solairuan prestatuko duten tatamian.
LH 5. eta 6. mailetako ikasleek, berriz, hirugarren saskibaloi jardunaldia izango dute. Aurreko hitzorduetan bezala, Iraurgi Saskibaloi Taldekoek egingo dituzte epaile lanak, eta Azkoitiko nahiz Azpeitiko bost saskibaloi kantxatan jokatuko dituzte partidak bi herri horietako nahiz Errezilgo ikasleek.