Bihar, larunbata, igeriketa jardunaldia izango dute multikirolean aritzen diren maila guztietako ikasleek. Izarraitz igeriketa elkartekoen laguntza izango dute horretara; haiek prestatutako jolasak eta ariketak egin beharko dituzte, Azpeitiko Udal Igerilekuan.
Sei kaleko igerilekuan hainbat gune egongo dira, horietako bakoitzean eginbehar batzuetan, eta denak probatu ahal izango dituzte parte hartzaileek, aurreko ikasturteetan egindako modu berean. Bideoan ikusi daiteke aurreko urteko jardunaldiaren laburpena.
Jardunaldi honekin ikasturte honetako multikirolaren egitarauaren erdira iritsiko dira ikasleak. Hamargarren jardunaldia izango da biharko, eta beste hamar jardunaldi geratuko dira aurretik, ekaina bitarte. Gauzatu dituzten bederatzi jardunaldien ondoren, honela daude benjaminen eta alebinen sailkapenak.