Irristaketa eta futbola izango dira bihar Azpeitiko multikiroleko ikasleek jorratuko dituzten kirolak, Aste Santuko oporren ondorengo lehen jardunaldian.
LH 3 eta LH 4ko ikasleek irristaketa jardunaldia izango dute. Skate parkean, YK Riders taldekoekin skateaz, patinez eta patineteez gozatzeko aukera izango dute.
LH 5 eta LH 6koek, berriz, azken futbol jardunaldia izango dute. Aurrekoetan bezala, Azkoitiko eta Azpeitiko zelai artifizialetan jokatuko dituzte partidak, eta Lagun Onak futbol taldekoek egingo dituzte epaile lanak Azpeitiko zelaietan. Hemen ikusi daiteke jardunaldi osoa.
Webgunean kontsulta daitezke benjaminen eta kimuen egutegi osoa eta sailkapena.