Herenegun, abenduaren 21ean, indarkeria matxistaren aurpegi krudelenak berriro kolpatu gintuen. Urtea amaitzear denean, beste emakume bat erauzi dute gure artetik, kasu honetan, Barakaldon; zazpigarrena, aurten.
Azpeitiko Feministen Sareko kideek gure babes eta elkartasun osoa adierazi nahi diegu emakumearen lagun, senide eta hurbilekoei. Horregatik dei egiten dizuegu, gaur, plazan, arratsaldeko zazpietan izango den elkarretaratzean parte hartzera.
Nahikoa da! Ezin dugu onartu urtea beste erailketa batekin amaitu eta besoak gurutzatuta geratzea. Ezin dugu onartu indarkeria matxista gure egunerokoaren parte gisa normalizatzea. Hilketak izozmendi baten punta besterik ez dira; baina azpian, instituzioek eta jendarteak maiz ez ikusiarena egiten duten egiturazko indarkeria dago, hamaika forma eta egituretan gure egunerokotasunean jasaten duguna. Zestoako kasuan ikusi dugun bezala, elkartasun feminista epaitzeraino.
Sistemak bai baitaki, elkartasun eta autodefentsa feminista gure tresnarik indartsuenak direla. Elkarrekin, antolatuta eta borrokan jarraituko dugu, mundu hau eraldatu arte.
Izan Gukakide