Urtero bezala, udazkenean, ikasturtearen hasierarekin, Parrokiako katekesi lanari ekiteko asmotan gara. Hori horrela, hasi aurretik, Katekesian parte hartu nahi duten neska eta mutikoen izenak jaso nahi genituzke. Aurten 6 urte (2017. urtean jaiotakoak, alegia) betetzen dituzten umeen gurasoei dei egiten dizuegu, beraz, zuen seme-alaben izenak ematera etor zaitezten, hala nahi baduzue behintzat.
Horretarako, zuen seme-alabak katekesian hastea nahi duzuen gurasoekin bilera bat antolatu dugu. Bilera hori, asteazkenean, urriaren 18an egingo dugu, Parrokian, 20:15ean hasita. Bilera horretan, Parrokiako katekesiaren nondik norakoak azaltzen saiatuko gara.
Gurasoen bileran ez ezik, zuen seme-alaben izenak emateko aukera izango duzue ostegunero, parrokiako bulegoan, 17:30etik 19:00etara.
Katekesi saioak, astero eskainiko ditugu parrokian, 17:15etatik 18:00etara. Astelehenean, lehenengo mailakoak; asteartean, bigarren mailakoak eta asteazkenean, hirugarren mailakoak.