Azpeitiko negozio edo elkarte bateko parte zara eta oraindik ez zaude NIRE Azpeitia plataforma berrian? Uztailaren 18an, osteguna, formakuntza jardunaldi berri bat antolatu dute, NIRE Azpeitia plataforma berria aurkezteko, nola erabiltzen den erakusteko eta, modu horretan, bertan parte hartzeko aukera eskaintzeko.
Formakuntzaren xehetasunak:
- Eguna: Uztailak 18, osteguna.
- Lekua: Azoka Plazako areto nagusia
- Ordua:
o Goizean: 8:30 – 9:30
o Eguerdian: 13:15 – 14:15
NIRE Azpeitia plataforma herriko negozio eta eragileek herritarrekiko komunikazioa hobetzeko diseinatu da, modu digitalean. Azpeitiarren intereseko informazio praktikoa, negozio zein eragileen berriak, eskaintzak, ekitaldiak eta bisita txartelak, toki bakar batean biltzen ditu, etengabe eguneratuta.
Presentzia digitala gaur egun enpresa-arrakastaren funtsezko pieza bihurtu da. Erronka honi heltzeko tresna bikaina da NIRE Azpeitia. Beraz, merkatari, ekoizle, elkarte, kirol talde edo antzerako eragile bateko ordezkari bazara, zatoz eta egin bat NIRE Azpeitiarekin.