Azpeitiko Bertan eta Azkoitiko Herrixen merkatari elkarteek zein Iraurgi Berritzen garapen agentziak kanpaina bateratua egin dute, eta Azpeitiko sariduna Juanpi Acro izan da. Hain zuzen, hari suertatu zaio urrezko gozokia Azpeitian, Diart saltokian egindako erosketagatik. Horrenbestez, herriko saltokietan gastatzeko 500 euroko erosketa bonua irabazi du hark.
Ekainaren 16tik 21ra bitartean, 20.000 piruleta banatu dituzte Azkoitiko eta Azpeitiko saltoki txikietan erosketak egin dituzten herritarren artean. Gozoki horietako bik —Azkoitian eta Azpeitian banak— gordetzen zuten 500 euroko saria.