Uxue Martinek irabazi du Bertan merkatari elkartearen Preziyo Juxtue lehiaketa. Nafarroako Rural Kutxaren bulegoan ikusgai egongo den erakusleiho bereziko produktu sortaren preziora gehien gerturatu den herritarra izan da, eta ondorioz, harentzat izango dira erakusleihoko produktuak.
Erakusleihoko produktuen prezio zehatza 3.350,26 euro zen, eta Martinek 3.350,1 eurotan baloratu zituen horiek. Beraz, zentimo gutxi batzuen aldea izan da prezio errealaren eta hark esandakoaren artean. Martinek Farmazabal parafarmazian egindako erosketa baten trukean eskuratutako txartela baliatu du prezioa proposatzeko.