Azpeitiko Bertan merkatari elkarteak bideo berria plazaratu du herriko merkataritza txikiaren garrantzia azpimarratzeko. Xanti Agirrezabala Zeberio aktorea da protagonista, eta Egan taldearen Erosle arruntaren koplak abestiaren bertsio berezia kantatzen du Azpeitiko saltoki ezberdinetatik pasatzen den bitartean.
Ekoizpenaz Kulturaz kooperatiba arduratu da, eta bideoak herrian dugun eskaintza zabala eta anitza erakusten du, bertan erosteko ohituraren balioa nabarmenduz. Ekimenaren helburua da herritarrei gogoraraztea erosketek tokiko ekonomiari, enpleguari eta herri dinamizazioari egiten dioten ekarpena.
Bideoa sare sozialetan eta elkartearen komunikazio kanaletan zabaltzen ari da, eta jendeari gonbita egiten diogu mezua partekatzeko eta Azpeitiko merkataritza bizirik mantentzen laguntzeko.