Azpeitiko EH Bilduk ikasturte hasierako batzarra egingo du datorren asteazkenean, hilaren 8an, Basazabal jauregian, 19:00etatik 20:30era. Bertan, Nekane Zinkunegi EH Bilduko Gipuzkoako arduraduna izango da, ikasturte politikoaren kokapena egiteko.
Bestalde, udalgintzaren 2023-2027 agintaldiko tarteko balorazioa partekatuko dute oinarriekin Nagore Alkorta alkateak eta Joanes Amenabar zinegotziak, errepasoa egin eta datozen bi urteetarako erronkei begira jartzeko. Trantsizio ekologikoa, Piaspe proiektua, etxebizitza politikaren inguruan hartutako neurriak eta beste aztertuko dira.
Azpeitiko EH Bilduk dei egiten die bere oinarriei asteazkeneko batzarrean parte hartzera.