Bukatu dute Azpeitiko ikastetxeetako ikasleek Euskaraldiaren bat eginez margotzen aritu diren murala. Olatz Aguado izan da aurtengo Euskaraldiko murala diseinatu duena. Hiru ikastetxetako ikasleak elkarlanean aritu dira eguzkilore erraldoia eta inguruan dituen eguzkilore txikiak marrazten; Goiko kalea eta parke estalia lotzen dituen pasabidean ikus daiteke murala.
Azpeitiko Euskaraldiak eskerrak eman nahi dizkie Olatz Aguadori, herriko ikastetxeei, haurrei, eta modu batera edo bestera lan honen parte izan diren guztiei.
Euskaraldian zehar Azpeitiko ikastetxeetako ikasleak eguzkiloreak marrazteko eta margotzeko elkartu dira Goiko kalea eta parke estalia lotzen dituen pasabidean.
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide
