Izarraitz pilotalekutik Santutxo auzora igotzeko igogailuaren eta pasabidearen egoerak kezkatzen duen herritar batek Gukara jo du berriro. Hark azaldu duenez, azken egunetan "tamalgarria" da pasabide horren egoera. Horrela esan du herritarrak: "Hamaika ikusteko jaioak gara! Plazatik Santutxora igotzeko pasabidearen egoera tamalgarria da". Lurra kristalez beteta, atea puskatuta eta odol arrastoak ikus daitezke eremu horretan.
Ez da herritarrek leku horretako zikinkeriaz eta egoeraz kexak bidaltzen dituzten lehen aldia.