"Abenduaren 31ko gauean, urte berrira sartzearekin batera, ordu erdi batez beldurrak airean egon ziren plazako bizilagunak, 25 bat gaztek sortu zuten iskanbila tarteko. Udalak egindako eskaerari entzungor egin, eta gauerdiko hamabiak jotzearekin batera suziariak botatzen hasi ziren, plazako bizilagunak eta etxebizitzak arrisku bizian jarriz. Izan ere, plazako etxebizitza guztiak egurrezkoak dira, eta suziri horietakoren batek etxebitzaren baten hegalen bat jo izan balu, posible zitekeen ustekabe desatseginen bat gertatzea. Zenbait bizilagun behera ere jaitsi ziren gazteekin hitz egitera, baina alper-alperrik izan zen, berenean jarraitu baitzuten. Iruditzen zait horrelako jarrerak onartezinak direla, eta istripuren bat gertatu aurretik, beharrezkoa dela horrelakorik errepika ez dadin neurriak hartzea".
Herritar batek haserre jo du Gukara, urte berrira sartzearekin bat gazte talde batek herriko plazan sortu zuen iskanbila tarteko. Bizilagun horren arabera, ordu erdi batez etenik gabe suziariak botatzen aritu ziren gazteak, udalaren oharrei entzungor eginez eta inguruko herritarrak eta etxebizitzak arriskuan jarriz.
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide