Txakurren gorotzak jasotzeko udalak herrian zehar barreiatuta dituen edukiontzietako bat gainezka, eta gorotzez betetako plastiko poltsak haren bueltan lurrean utzita.
Horixe ikus daiteke herritar batek Azpeitia Gukara bidali duen argazki honetan. Argazkiarekin, galdera ere bidali du herritarrak: "Zeinek ez ditu txakur kakak jasotzen? Txakur jabeek ala udalak?". Txakur jabeei askotan egozten zaie beren animalien gorotzak ez jasotzea. Kasu honetan, ordea, gorotzak behar bezala jaso bai, baina horiek uzteko lekuan tokirik ez eta lurrean utzi dituztenen kasua ekarri du herritarrak, eta udalari egotzi dio utzikeria, edukiontzia ez husteagatik.