Goenako berdegunearen ondoan badira hainbat aparkamentu, baina horiek ez ezik, zabalgunearen aurreko errepide bazterra ere autoz beteta egon ohi dela salatu du herritar batek. "Mila aldiz deitu diogu Udaltzaingoari, baina...", esan du argazkiaren egileak.
Bide hori beti kotxez beteta egon ohi dela eta handik autoz pasatzea "arriskutsua" dela salatu du; "Izan ere, errepidearen alde batean autoak daudela-eta beste aldera pasatzen gara, eta arriskua hartzen dugu alboko erreira pasatuta".