Iraurgi saskibaloi klubak 2016an jaiotako neska-mutilei dohainik eskainiko diete saskibaloiko teknifikazio eskoletan parte hartzeko aukera. "Haurrek saskibaloia probatu, ikasi eta goza dezaten", adierazi dute saskibaloi eskolaren arduradunek.
2016ko mutilei zuzendutako saskibaloiko teknifikazio eskolak ostegun honetan, urriaren 3an, hasiko dituzte, Azpeitiko Urola Ikastolan, 19:15ean. Eskolan probatu eta hasi nahi duten mutikoek hitzordu horretara joan besterik ez dute.
2016ko nesken saskibaloiko teknifikazio saioen aurreneko saioa egin dute Iraurgikoek, eta bigarrena urriaren 13an, 10:00etan, egingo dute Azpeitiko Urola Ikastolan.