Bizitza osoa daramagu zer egin eta zer ezin den egin entzuten, baldintzatutako erabakiak hartzen, moralitate faltsu baten islada izaten.
Markatutako bidea eta norabidea jarraituz, burua beheruntz uzkurtuz, ezer gutxiz jabetuz.
Zenbait galdera egiteak, ordea, beldurra sortu eta desoroso sentiarazten gaitu, orokorrean, begiak itxita errazagoa baita bizitza.
Etengabeko barne aurrerapenerako, gizarteak txikitatik ezarritakoa eta inposatutakoa desikasteari ezinbestekoa deritzot, ezin baita garbi pentsatu, inguruko dena pozoiz inguratua bada.
Askotan erlojuari begira dihardugu, garaiz iritsiko garen horretan. Gutxiago iparrorratzari antza, gure lekua zein den zalantzan jarri gabe.