Izarraitzi dozena erdi bat bertso
Urrutitik ikusten
etzea bate gaitz
zure argitasunez
begiyek asekaitz.
Izerretik jetxite
eiñ al ziñen harkaitz?
Ondo jarri zizuten
izena Izarraitz.
Azkoiti aldetiken
daukezu Kakute
Azpeitire segiuz
hurrena Xoxote
Zestu alden Erlo
gertuxeo dute
hiru tontor hoyetxek
osatze zaituzte.
Txiki-txikitatiken
betiken begire
attek eman giñuzen
zu zauden tokire
zaletasun deitzie
ez al da gutxire?
Maitasune esanda
ez ta geyegire.
Aldapie iyota
egarriz dienak
Ixkiturri ta Azketan
asekoie danak
zure iturri hoyek
probatu ditunak
jakingo du zein dien
mendi-ur freskunak.
Barrun gordetzeituzu
paraje ugari
Eskuztako ur horrek
ondo daki hori
inbiriz eskatzeko
gaude denok hari
egingo al liguken
bidai bat opari.
Azkeneko bat badet
nahikue esateko
geyegi jardunda re
ez naiz ta beteko
segundo bat bizi ta
hamendik juteko
argi txiki hauxe nun
zuri emateko.