(Doinua: Loa loa)
1. Azken ordua gertu dudala
ume naizela jakinik
maite nituenak falta ditut
ez daukat inor jadanik,
mundu hontako bizimodua
nork esan hain latza zanik,
hainbeste gorroto den lekuan
Jaio behar al nuen nik?
2. Zeinen gustora hartuko nuken
amatxo zure laztana,
aita non dezu zure ahotsa
hain sakona izan zana
arreba maite falta zera ta
ezin hurbildu zugana,
jakin nahi nuke non aurkitzen dan
hemen galdu dedan dana.
3.Txikizioa ekarri zendun,
hemendikan nola irten?
Heriotzaren zale izanik
bizirik ez dezu uzten,
hemen daukazu ume ahul bat
zure kolpea itxoiten,
indar haundirik ez dezu behar
nire azkena egiten.