Lagun Onakek futbol eskola izango du 2021/2022 denboraldian ere, eta dagoeneko irekita dago izena emateko aukera. Gaurtik hasita abuztuaren 15era bitartean egongo da horretarako aukera, Lagun Onaken webgunean.
Futbol taldeak jakinarazi duenez, aurreko urteetan futbol eskolan izena emanda zutenek partaide izaten jarraitzen dute, eta mutilen kasuan, izen-ematea edozein adinetako benjaminek (2012-2013) eta kimuek (2011) egin beharko dute. Nesken kasuan ere benjaminek (2012-2013) eta kimuek (2010-2011) bakarrik eman beharko dute izena.
Informazio gehiago behar duenak Lagun Onaken Garmendipeko bulegoetara jo dezake, eta izen-ematea bertan egiteko aukera ere izango da. Horretarako, ordea, aurrez 609 79 45 20 telefonora deitu beharko da.