Abenduaren 26an ekin zion Lagun Onak futbol klubak Gabonetako Elmubas Izarren Ligari. Bost egunez, futbolaz lagunartean gozatzeko aukera izan dute egitasmoan parte hartu duten hainbat gaztetxok, eta atzo bukatu zuten esperientzia. Eguraldiak lagundu ez duen arren, umeen ilusioak eta lagunarteak irabazi du Garmendipen. Klubak eskerrak eman dizkie begirale nahiz koordinatzaile lanetan aritu direnei eta parte hartu duten guztiei.