Pistan hasi dute neguko denboraldia Lagun Onak txirrindulari elkarteko hainbat txirrindularik. Pasa den asteburuan, Gipuzkoa Sariko lehen jardunaldia jokatu zuten Xuban Aranagak, Jakes Zubizarretak eta Markel Olaizolak Donostiako Antonio Elortza belodromoan.
Aranaga eta Zubizarreta kadeteen mailan lehiatu ziren Donostian, eta hiru proba (scratch, tenpo eta puntuazioa) egin behar izan zituzten. Zubizarretak hirurak irabazi zituen, 55 puntu lortuz. Aranagak, berriz, 33 puntu eskuratu zituen. Olaizolak juniorretan lehiatu zuen, eta honek ere hiru ariketa edo proba egin behar izan zituen. Denera, 22 puntu lortu zituen.