Gimnastika erritmikoko urteko lehen txapelketak hartuko ditu asteburu honetan Azpeitiko kiroldegiak. Zapatu arratsaldean kimuak edo alebinak, eta igande goizean infantilak lehiatuko dira, eta bi txapelketetan parte hartuko dute Loretoki klubeko ordezkariek.
Etzi, otsailak 15, 15:00etan hasi eta 20:15 aldera bukatuko da kimu mailakoen lehiaketa: Loretokiko bi taldek parte hartuko dute, eta Maren Bikendi ere ariko da, bakarka. Igandean, berriz, infantiletan, Azpeitiko klubak talde bat aurkeztuko, eta Elene Astiazaran bakarkakoan lehiatuko da; 10:30ean hasi eta 15:00etan bukatuko da igandeko jardunaldia.
Kadeteak, martxan
Loretokiko kadete mailako A eta B taldeek joan den zapatuan ekin zioten denboraldiari, Bergaran (Tolosa).
Ez zuten hasiera onena izan Azpeitiko kadeteek, baina beste aukera bat izango dute Tolosako (Gipuzkoa) torneoan, martxoaren 23an.