Joan den larunbatean gimnastika erritmikoko Eskolarteko Euskadiko Txapelketa jokatu zuten Eskoriatzan (Gipuzkoa), eta tartean izan ziren Loretokiko gimnastak ere.
Infantilen mailan, bakarkako lanean, Maren Bikendi Loretokiko gimnastak parte hartu zuen, eta sokarekin egindako ariketan 3. postua eskuratu zuen. Aldiz, uztaiarekin egindako lanean 12. postua erdietsi zuen, eta sailkapen orokorrean 11. postuan sailkatu zen.
Larunbat honetan, berriz, gimnastika erritmikoko Euskadiko Txapelketa jokatuko dute Durangon (Bizkaia), eta Loretokiko bi kadete taldek eta bakarka Elene Astiazaranek parte hartuko dute txapelketako lehian.