Loretoki gimnastikako klubekoek kadete mailako Euskadiko Txapelketan parte hartu zuten joan den larunbatean, Durangoko (Bizkaia) Landako kiroldegian. Taldeka nahiz banaka lehiatu zuten Loretokikoek. Taldeetan, A mailan 16. postua lortu zuen talde batek, eta beste talde batek, berriz, B mailan 27. egin zuen.
Bakarka lehiatu zen A mailan Loretokiko Elene Astiazaran gimnasta, eta uztaiekin zortzigarren postuan bukatu zuen txapelketa.
Euskadiko Txapelketan Loretokiko Elene Astiazaran. (Loretoki)
Behin denboraldiko jardunaldiak bukatuta, ikasturte bukaerako erakustaldia eskainiko dute Loretokiko gimnastek Azpeitiko kiroldegian, ekainaren 11n, 18:30ean hasita.