Hainbat musikari zuzeneko musika jotzen, abeslariak, abesbatza, dantzariak eta ipuin kontalaria. Denetik dauka Euskelelea ikuskizunak. Haurrei zuzendutako emanaldia bada ere, familian musikaz gozatzeko aukera paregabea da.
Juan Kruz Igerabidek idatzitako istorioan euskal mitologia eta fantasia nahasten dira, eta guzti hori musikarekin uztartzen du Euskal Barroquensemble taldeak, modu ezin hobean.
Dantzarako eta kanturako lagunak izango dituzte Soreasu antzokian; izan ere, Juan Antxieta musika eskolako abesbatza eta Luix Beltza dantza taldeak parte hartuko dute, bertaratzen direnak kantuan eta dantzan jarriz.
Zuzeneko musikaren magiaz gozatzeko aukera datorren igandean, martxoaren 23an, izango da. Soreasu antzokian izango da Euskelelea emanaldia, 17:00etan hasita. Sarrerak Kulturaz.eus webgunean daude salgai.