Ostiral honetan, Nora Alberdi Odriozolaren erakusketarekin emango zaio hasiera hilabeteari. DOI erakusketa programaren baitan antolatutako hitzordua izango da honakoa. Gauean, O Sister! taldeak kontzertua emango du Sanagustin kulturgunean. Larunbatean, Gipuzkoako Bertsolari Txapelketako final zortzirenak jokatuko dira Soreasu Antzokian.
Hitzaldiak, zine emanaldiak, kontzertuak, proiekzioak, eta askotariko emanaldiak ekarriko ditu hilabeteak jarraian. Berezitasunen artean, Miñan irrati solasaldia aipatu daiteke liburua publikatu zela 5 urte betetzen diren honetan, Kulturaz kooperatibak antolatu duen irrati saio irekia.
Bideoan ikusgai daude hitzordu guztiak, eta kulturaz.eus orrialdeko agendan horiek eta hurrengo hilabetetan etorriko direnak kontsulta daitezke.