Joan den asteburuak askotariko hitzorduak eskaini dizkigu. Iparhots-ek egonaldia egin du Dinamoako sormen gunearen soinuaren eremuan RTZ kolektiboko kideek. EKEk, Atabal aretoak, Kulturaz kooperatibak eta Musika Bulegoak 2023an martxan jarri zuten egonaldi artistikoen programa da hori, euskaraz abesten duten Ipar Euskal Herriko musika sortzaileei zuzendutakoa.
Tuba jaialdia ere izan da; aurtengoan formatu berri batekin. Soreasu antzokian egin zuten larunbat arratsaldean, Tuba zirkoan izenekoa, Gari, Montxo eta Joselontxo pailazo hirukotearen konpainiarekin.
Igande arratsaldean, APOA poesia taldeak antolatutako hitzordu batean elkartu ziren hainbat lagun Sanagustin kulturgunean. Susa argitaletxeak Munduko Poesia Kaierak bilduman batzen dituen hainbat poesia errezitatu zituzten agertokiratu ziren kideek.
Zinemak ere izan du bere tartea asteburuan. Robotia animaziozko filma eta Perfect Days pelikula proiektatu dira Soreasu antzokian. Azken hau ikusteko parada izango da gaur berriro, 21:00etan.
Ekitaldi horietako argazkiak kulturazartxibategidigitala.eus atarian topatuko dituzue.