Sanagustin kulturgunea jendez bete zen ostiral gauean. The Baboon Show Suediako talde ezagunak aretoan batutako jendetza dantzarazi zuen, eta berdin egin zuen aurretik oholtzaratu zen Donostiako On taldeak.
Radio rebelde kantuaren egileek punk eta garage doinuak eskaini zituzten, eta Donostiako taldeak, berriz, sei urteren osteko isilunea eten zuen. 2019an utzi zion kontzertuak emateari, eta aurten itzuli da agertokietara, hirukotea berrituta. Orain, Itsaso Gutierrez, Maialen Urretabizkaia eta Maialen Arana musikariek osatzen dute On.
Ikusi asteburuko emanaldietako argazki guztiak, Kulturaz kooperatibaren artxibategi digitalean.