Giro bikaina sortu zen larunbat gauean Sanagustin kulturgunean. Izan ere, Mirua eta Burutik taldeek dantzan jarri zituzten hara joandako musikazaleak. Pop klasikoko melodiak, tresna elekronikoen hotsak eta indie erritmoak eraman zituzten Mirua taldeko Maitane Iruiñek eta Malentxo zein Mattin Zeberiok agertokira. Burutik boskoteak, berriz, eskusoinua ideia berritzaileekin uztartzen du, eta emanaldi aparta eskaini zuen Azpeitian.
Kulturaz kooperatibaren artxibategi digitalean ikus daitezke zapatuko emanaldietako irudiak.