Ostiralean ska eta reggae doinuak nagusitu ziren Sanagustin kulturgunean. Izan ere, Iruñeko Skabidean eta Arabako Potato taldeez gainera, Rosa Sparks Lisboako punk/hardcore taldeak nahiz Iruñerriko Bisaiak taldeak kontzertuak eskaini zituzten.
Zapatuan, berriz, hemezortzi urte eta gero agertokietara itzuli den Oñatiko (Gipuzkoa) Latzen taldeak Denboraren orbainak diskoan bildutako metal doinuak aurkeztu zituen Sanagustineko agertokian. Nafarroa Behereko Kuartz bikotea ere aritu zen kulturguneko oholtzan, rock eta blues doinuak tartekatuz.
Kulturaz kooperatibaren artxibategi digitalean ikus daitezke ostiraleko nahiz larunbateko emanaldietako irudiak.