Ekainaren 10ean, asteazkena, Kulturaz Azpeitiko kultur kooperatibaren ohiko batzarra egingo da Dinamoa sormen guneko topalekuan (beheko solairuan). Lehen deialdia 18:30ean izango da, eta bigarrena, berriz, 19:00etan. Kultur kooperatibak bazkide denak batzarrean parte hartzera deitu dituzte, eta batzarraren ondoren mokadutxoa egiteko aukera izango dute batzarreko parte hartzaileek Sanagustin kulturgunean.
Honakoa da batzarraren gai ordena:
- Sarrera, ongietorria eta azken batzarraren aktaren irakurketa.
- 2025eko kultur jardueren laburpena.
- 2025 urteko bestelako lanketak, komunikazioa eta denetariko zerbitzuak.
- 2025 urteko kontuen azterketa eta onespena, eta irabazien banaketa.
- Hala balegokio 2026 urteko kudeaketa planaren laburpena.
- 2026ko aurrekontua.
- Artezkaritza Kontseiluko kide berriak onartzea.
- Kulturaz kooperatibaren bestelako gaiak.
- Galde eskeak.