Euskararen arnasgunea da Azpeitia. Hizkuntzaren iraupenerako babestu eta zabaldu beharreko gunea. Erreferentea. Azpeitiarrak ere oso euskaldunak gara. Euskaraz bizi gara, eta euskara erabiltzen eta entzuten dugu gure kaleetan. Baina nola jokatzen dugu euskararen erabilerak haren aldeko hautua egitea eskatzen duenean? Inertziatik harago, euskal kontzientzia ere sendo al da azpeitiarron artean? Galdera horiei erantzuteko test bat prestatu du Zaparraie Azpeitiko euskara taldeak: Euskaldunmetroa.
Sarean, mugikorretan eta kalean (denda eta taberna batzuetan) zabaltzen hasi gara. Hamabi galdera daude, eta erantzun posibleak. Egin ezazu ariketa; ea nolako emaitza lortzen duzun.
Emaitzak
- 20-24 puntu artean. Zorionak! Anbotoko Mari bezain euskalduna zara! inertziatik harago, euskararen aldeko hautua egiten duzu. Jarrai dezagun herritarren artean kontzientzia hori sustatzen, baina kontuz! Aurrerapausoak ematen jarraitu behar dugu, gure hizkuntza gutxitua baita; ez dago erasoetatik salbu.
- 14-19 artean. Trapezista baten moduan, kili-kolo zabiltza gure hizkuntzaren sokan.
- 0-13 artean. Kamaleoi baten tankerakoa zara? Kolorez aldatzen zara leku batetik bestera mugitzean? Zergatik ez heldu beti euskarari?