EITBko lanpostu guztietan bezala, zuzendaritza postuetan ere euskara eskakizuna ezartzea eta betearaztea eskatu du Zaparraie euskara elkarteak, euskalgintzako beste hainbat eragilerekin batera. Elkarretaratzea atzo, asteartea, izan zen, EITBren Bilboko egoitzan, EITB euskalduna, zuzendaritzatik hasita! leloarekin. EITBko ELA, LAB eta ESK sindikatuek eta Aldatu Gidoia mugimenduak deitu zuten, eta 30 eragilek bat egin zuten, tartean, Zaparraie euskara elkarteak. Hori horrela, bertan izan zen Azpeitiko ordezkaritza bat.
Berria egunkariak jaso ditu atzoko kronika eta bateko zein besteko adierazpenak.