Xabier Euzkitze, orain dela hilabete batzuk Sorginen laratza bukatu zenetik, pilota emanaldiekin ibili da ETB1en, eta berriro saio bat aurkeztuko du gaurtik (asteazkena) aurrera: Kalaka. Eztabaida saioa izango da eta gizarte gaiak jorratuko dituzte. Astean behin botako dute, 'prime-time' ordutegian, erreportaia laburrez eta testigantzaz lagunduta. K-2000 ekoiztetxeak egingo du programa.
Info-show izeneko formatua da, informazioa eta denbora-pasa uztartuko dituelako. Ameriketako Estatu Batuetatik dator formatua, eta beste herrialde batzuetan arrakasta handia du: Kanadan, Italian, Frantzian...
Oraingoz, programaren zortzi atal egingo dituzte eta udaran etena egingo dute. Kalaka-k ondo funtzionatzen badu, irailean itzuliko da.
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide