Anjel Lertxundik 'Berria'-n bere blogean:
Zaharrak berri
Angel Ainziburu Afinsako aholkularia da seiluen aferako inbertsio-enpresakoa, eta Urola Kostako Hitza-ri
adierazi dio: "Gure bezeroak tontotzat hartu dituzte, eta lotsatu
egiten dira". Afinsak 350 bat bezero omen ditu Azpeitian, baita beste
asko ere inguruko herrietan.
'Hitza' utzi eta Bohumil Hrabal-en 'Nik, Ingalaterrako erregeari zerbitzatu diodanak' nobelan entretenitu ditut begiak:
"Zumstein-en katalogoan ikusi nuenean seilu batzuen balioa, berehala
jakin nuen ez nuela nire gela estali beharko ehun koroako billeteekin.
Sabaiak eta jantzi-gela eta bainugela ehuneko billeteekin estalita ere,
eta sukaldea bera ere ehuneko errektangelu berdeekin estalita, hura
guztia ez zen deus seiluengatik emango zidatenaren aldean: katalogoak
zioen aski nituela lau seilu milionarioa izateko, eta horrela
kalkulatzen hasi nintzen nire etorkizuna
".
Zaharrak berri, kalkulu txarren kontsolagarri.