Pasatu den urriaren bukaeratik euskaraz herri komunikazioa
jorratzen duen webgune bat gehiago dago sarean: Elgoibarren.net. Bere izenak ondo
adierazten duen moduan, atari hori Elgoibarkoa da, eta Elgoibarko Izarra Kultur
Elkarteak sortutako ekimena da. "Uneoro eta edozein tokitatik Elgoibarko informazioa momentuan eskuratzeko gunea izatea" du helburu webguneak. Lau atal nagusitan dago banatuta: albisteak, agenda, medioteka eta 'Barren' aldizkaria. Aurrera begira, ordea, "atal eta zerbitzuak gehitzeko asmoa" dute.