Joseba Iriondo azpeitiar kazetariak Begoña Bilbao (1932-2005) bermeotar idazleari buruzko liburuxka egin du, Bidegileak bilduman.
Bilbao jostuna izan zen lanbidez, baina beti izan zuen zaletasun handia
euskararen inguruko kontuetarako nahiz literaturarako. Gaztetan ikasi zuen
josten, eta bi josketa denda izan zituen Bermeon. Euskarako eskolak ematen hasi
zen eta alaba Lupe kantariarentzat hitzak idazten. Haur literaturako Lizardi
saria irabazi zuen, 2001ean, Ibaia maitasunaren oztopo ipuinarekin, eta
2004an Palestina, zure mina liburua eman zuen argitara.
Bidegileak bilduma 1987an sortu zuten, eta harrezkero euskal kulturaren munduko 150etik gora egile eta eragileren biografien eta lanen berri eman dituzte.