Juan Martinez Irujok buruz buruko hirugarren txapela irabazi zuen joan den igandean, ekainak 7, Donostiako Atano III.a pilotalekuan, Aimar Olaizola 22-12 menperatuta. Urteko helburu nagusia beteta, Iberoko pilotariak atsedena hartuko duela iragarri du -gaur bertan Karibe aldera abiatzekoa omen-.
Baina ez da luzarorako izango, datorren ekainaren 19an Urrestillako San Joan jaien bezperetan antolatu duten jaialdirako iragarrita baitago, Irujoren parte-hartzea. Hain zuzen ere, Txikuri frontoian egingo du berragerpena eta han jokatuko du txapel berria lortu osteko lehendabiziko partida. Beroiz izango da txapeldunaren bikotekidea, eta Gonzalez eta Laskurain aurkariak.
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide