Txema Auzmendi, Kubara

Txema Auzmendik esperientzia berri bati ekingo dio laster. Egunkaria auziko kasu nagusia bukatuta (absoluzioa eman zuten; dena dela, auzi ekonomikoa zabalik dago eta hor auzipetuta dago Auzmendi), Kuba izango da Iraurgi Ikastetxean eta Loiolan ibilitako kazetari eta jesuitaren hurrengo pausalekua. "Kristau komunitatea zabaldu, haiekin eukaristia ospatu eta -askatasuna baldin badugu- bakoitzaren gorabeherak konpartitu, horixe nahi nuke burutu", dio Auzmendik Kubako egonaldiaz, Euskonews webgunean egin dioten elkarrizketan.

Elkarrizketa horretan, etorkizunari begira dituen asmo eta itxaropenez aritzeaz gain, bere ibilbide pertsonal zein profesionalari gainbegiratua eman dio Auzmendik.