Udaberrian sartu ginen joan den ostegunean, eguraldiari begiratuta hala ez dirudien arren. Egunotako euriak tarteko, eta Gipuzkoako Ur Kontsortzioaren arabera, Ibai-Eder Nuarbeko urtegia %92,87an dago, urte sasoi berriren hasieran.
Nuarbeko urtegiak Azpeitia ez ezik, Azkoitia, Zestoa, Zumaia, Getaria, Zarautz eta Orio ere hornitzen ditu. Hau da, 68.500 biztanle inguru. Denera 11,3 hektometro kubikoko edukiera dauka.