Behera egin du langabezia tasak Azpeitian, azken hilean. Iraurgi Berritzen garapen agentziak argitaratutako txosten sozioekonomikoaren arabera, martxoan baino hamabi langabe gutxiago zenbatu dituzte apirilean. Horrenbestez, %14,5ekoa da lanagabeziaren batez bestekoa herrian.
Sexuei dagokienez, emakumeen artean %14,30ekoa da langabezia tasa, eta %14,70ekoa, berriz, gizonezkoen kasuan. Horrela, azken bi urteetako zifra baxuenak dira joan den apirilekoak.