Denboraldi ona egiten ari da Aitor Zubizarreta (Azpeitia, 1995) Idahoko Yotes taldean. Izan ere, duela bi aste jardunaldiko irudi ikusgarrienetako bat utzi bazuen, oraingoan 45 puntu lortu ditu partida bakarrean azpeitiarrak. Orain dela 20 urtetatik inork ez du halakorik lortu Yotes taldean. Gainera, 21 puntuko media lortu du azken hamar partidetan.
Portland Pilots-ekin NCAAn aritu ostean, 2015-2016 denboraldian Idahon ari da jokatzen Aitor Zubizarreta, NAIA ligan. The Evergreen State College-en aurkako partidan lortu zituen 45 puntuak azpeitiarrak eta 100-85 irabazi zuen partida Zubizarretaren taldeak.