Mikel Aiestaran kazetariak (Beasain, 1975) El País egunkariak banatzen duen Ortega y Gasset kazetaritza saria jaso du, Gazaren kontrako genozidioari buruzko multimedia kontakizun onena egiteagatik.
Azpeitiko bizilagun honek proiektu kolaboratibo bat diseinatu zuen, israeldarrek gosea gerrarako arma gisa erabiltzen dutela erakusteko. Hala, Israelen bonbardaketak pairatzen zituzten bitartean, familia palestinarrek egunero kozinatzen zutena kontatzen du bere Instagrameko kontuaren bitartez. Menú de Gaza izeneko serie multimedia horregatik jaso du Ortega y Gasset saria.