Espetxeak libre izeneko manifestua plazaratu dute hainbat kulturgilek, espetxeetan ekitaldi soziokulturalen bat egiten duten artistei-eta dokumentu bat sinatzea eskatzen ari delako Eusko Jaurlaritza.
Zehazki, emanaldiak egin aurretik Euskadiko espetxeetan, aisialdirako gizarte eta kultura jardueretan tratamendu helburua eta delituen biktimen duintasuna eta sentimenduak errespetatzeko konpromisoa izeneko dokumentua sinatzea eskatzen die erakundeak elkarteei nahiz sortzaileei, eta horrekin ez daudela ados adierazi dute dozenaka kulturgilek; tartean da Xebastian Lizaso bertsolari azpeitiarra.
Dokumentu hori ez dutela sinatuko adierazi dute manifestuaren bidez, eta dokumentua erretiratzeko ere eskatu diote Eusko Jaurlaritzari. Gainera, sortzaileei idazkiarekin bat egiteko deia egin diete.
Informazio gehiago eta manifestua sinatu duten sortzaileen zerrenda, Berria.eus webgunean.