1977. urtean Oñatz auzoan hainbat zezenzale azpeitiarrek egindako zekorketaren bideoa zabaldu da gaur bolo-bolo sare sozialetan. Ikuskizunaren protagonistak, toreatzaileak, herritarrak dira; tartean, Rafael Olaizola El niño de Arrabal ageri da.
Oñazko plazan hesiak jarrita muntatu zuten zezen plaza, eta plazaren buelta guztia jendez beteta ageri da. Bideoan ikusten da toreatzaileak autoetan nola iritsi ziren Oñatzera, eta haiek zezenak toreatzen hasi aurretik, paseilloa egin zutela txaranga batek lagunduta.