Espainiako Bigarren Mailan lehiatzen den motordun gurpil aulkiko Kemen Powerchair futbol taldeko jokalaria da Iren Reyes azpeitiarra, eta datorren asteburuan Madrilen jokatuko den txapelketa batean parte hartuko du talde horrek.
Larunbatean hiru partida jokatuko dituzte Kemen Powerchairreko kideek: goizean, Pedrajasen kontra ariko dira, eta arratsaldean Bartzelona 2ren eta Tiburonesen kontra. Igandean, berriz, partida bakarra izango dute, Portugalen kontrakoa.