Gipuzkoako urtegi guztietako gisan, Nuarbeko Ibai-Ederren ere nabari da euri eskasia. Azken asteetan apenas egin du euririk Azpeitian, eta horren ondorioz, Ibai-Ederren betetze maila %75 bueltakoa da abuztuko lehen egunetan.
Ura bada, beraz, urtegian, baina azken urteetan urte sasoi honetan baino gutxiago; izan ere, iaz urtegiaren edukieraren %81 zegoen beteta abuztuko lehen astean. Aurreko urteetako datuak ere %80tik gorakoak dira: 2024an, %88; 2023an, %83; eta 2022an, %82.
Gipuzkoako urtegien artean badira gaur-gaurkoz Ibai-Eder baino beteago edo hutsago diren urtegiak. Ataungo Lareo da ur maila baxuena duen lurraldeko urtegia: edukieraren %62 dago beteta. Aldiz, Aretxabaletako Urkulu da Gipuzkoan beteen dagoen urtegia, edukieraren %87 baitu urak hartuta.
Honako lotura honetan ikus daitezke Gipuzkoako urtegien inguruko datuak.